|
خلیل مرادی در سال 1334 در شهر زنجان متولد شد . دوران جوانی خود را در شهرهای تهران و زنجان گذرانید از همان دوران عاشق شعر و ادبیات بود .در سال 1353 ازدواج کرد و حاصل این ازدواج 3 دختر و 3 پسر بوده است وی هم اکنون ساکن شهر تهران است. علاقه ی وافر او به شعر ترکی که زبان مادری این شاعر است وی بسیار علاقمند به سرودن اشعار انتقادی و اجتماعی است .
درادامه گزیده ای از شعرهای ایشان را زمزمه می کنیم.
1)
باهالیق
یوسقولون قدین ایوبسن باهالیق
تیر تک قلبه دیوبسن باهالیق
بیلمورم کیم بو بلا ریشه سین سالدی وطنه
ایندی هیچ رحم ایلمور حق ویرنه حق کسنه
فرصتی وردین عجب پامیقینان باش کسنه
کسیرن کس بوقوران بوق سسی چیخماز باهالیق
غمیلن حسرتیلن سوزلری سن یاز باهالیق
گونده شیش کیمین شیشیر یاقیله قندین قیمتی
گوننه ارزشه گلوب ییلمین تووخ اتی
یتیش الله دادینه بو ملتین بو امتی
بوندان آرتیق اورگی قویما اولا قان باهالیق
آپارار هامی آدامنان دین و ایمان باهالیق
هر اداره اوزونه کاخ مجلل سالوری
کارگر ایشلینین نصفون مالیات آلوری
سوروشاندا دیوری چوخلی مدارس سالوری
او مدارس اولاجاق پولدارا قسمت باهالیق
یوسقول هاردان آلاجاق یاریم کیلو ات باهالیق
یوسقولون قیش خوراکی اولسا یرالمادی سوقان
گله هر آن دییرم شکر اله جانانه هر آن
قیمتی قویمورو ارزان اولا تجار زمان
اونو صادر ایلیری خارجه هر آن باهالیق
یوندان آرتیق بیزی سن ایلمه افسون باهالیق
انقلابین ثمرین عصریده پولدار گورور
بعضی تاپمور خرجینی گاه زارور گاه اولور
یوسقولون قانین نجه عصریده پولدار سورور
بو نجه فندی ویروب ایرانا الان باهالیق
بو زمان یوسقوله اولموش گنه مهمان باهالیق
بیر زمانی واریدی بازار عجب خلوتیدی
دورت آغیزلی تیمچه ده یوک داشیان قدرتیدی
حیف اولا او گونلره اوگونده بیر نعمتیدی
منه هیچ اولمادی تا هدیه گله قت باهالیق
احتیکار ایلینین ذاتینه لعنت باهالیق
آت طرفده واریدی مشدی رضانین دکانی
دولدوروب اون انباری بیر تکانی
اونی ییخماز بو زمان تا کی نقدر واردی جانی
منه هیچ اولمادی تا هدیه گله قت باهالیق
احتیکار ایلینین ذاتینه لعنت باهالیق
اولکه ناباب اولان یرده هوادار اولماز
هر چوبان اولسا یالانچی اونا غمخوار اولماز
دوز درست شهریده هیچ موقع گلیب دار اولماز
مسجدین اول ایچی دویریه باخما باهالیق
گج گلیب تز اورگنیب سنده بوراخما باهالیق
آلمالار باغدا گول آچدی دیدیم ارزان اولاجاق
بیلمدیم خارجیه نازیله مهمان اولاجاق
گونده حسرتله اورگ باخیب قان اولاجاق
دیمرم من سنه ای یوسقوله مهمان باهالیق
یازاریخ بیز سنه بیر دفتر و دیوان باهالیق
2)
عبادت آیی
بو اوروشلوق آیی چون ماه عبادتدی بیزه
ماه فضل و کرم و لطف و کرامتدی بیزه
باب رحمت آچیلوبدی اوزی مهمان ایستور
باقلانوبدی در دوزخ مرد ایمان ایستور
امتحان ایلیری بو آیدا بیزی رب جلیل
امتحانان چیخا هرکس اولا مانند خلیل
درگهنن هیچ اوزاخدو اوزو احسان ایلر
ذره ی سالسا نظر آتشی رضوان ایلر
بو مثللر هامیسی مایه ی عبرتدی بیزه
باب جنت آچولوبدی گنه فرصتدی بیزه
حیفدور وقت گرانمایه نی ورمه هدره
چاقیر آللاهی داداش دوشمسن تا خطره
بیر گونی وقت قوتارار تشریف آپاروخ سفره
وقت گچننن سورا بیللیک دوشموشوک پیس خطره
اوندا بیللیک کی داداش سود و زیان ایلمیشیک
یا گوزل عمری بو دنیاده تالان ایلمیشیک
آلادیبدی بیزی دنیا سالوبذی قفسه
هرکسی گرم ایلوب گوشه ده بیر نوع هوسه
بیری جاه عشقینه دوشموش بیر یار آختاروری
بیری گردشه چیخوب بلبل و سار آختاروری
بیله فکر ایلوری دنیا بونا هر آن قالاجاق
اوقدر پولدار اولوب ایرانین نصفین آلاجاق
ضعفانین دوت الیننن دیمه یوخ ربطی منه
بو کلان ثروتی آلله بی جهت ورموب سنه
بیلمیری مرگ و اجل آخر نفسدن سالجاق
ملک الموت گلیب جانینی بیردن آلاجاق
امتحان ایلوری چوخ ثروتیله بنده لری
تا گوره سختیده یاد ایلوری درمانده لری
اوقدر جاه و جلال لار داغلوب یاد قالاجاق
یاخشینی یاخشی دییللر پیسدنده آد قالاجاق
سوزمه یوخ باورون تاریخه سن ایله نگاه
هانی اسکندر و قارون هانی حاتم هانی شاه
بو مرادی سوزونی ساده یازیپ ساده دییر
اور گیننن سوزلری حرمتلی همزاده دییر
دییر الله بیزه توفیق عنایت السون
کج روش ملتی الله هدایت السون
3)
یارین عشقی منی هرآن سالار کوه و بیابانه
چکممم عشقدن من ال، اگر چه سالسا زندانه
بو دنیاده بودور عادت ، بیرینین بش گونی سازدی
بو بش گوندن سورا،آخر اولوب چوخلار ذلیلانه
بیرین شاه جهان ایلر ، بیرین سرلشگر و سرتیپ
بیری مجنون کیمی حیران، دوشر کوه و بیابانه
سنی مرد قوی ساننام ،گه سن ترک نماز اتمه
دوت اوز روزن قیل اوز ذکرین، قوشولما مرد شیطانه
قومار بازیدی میخانه بیریده مردم آزاری
بولاردان هیچ بیری آخر ،ثمر ویرمز هیچ انسانه
گدرسن دوز یولی قارداش، یترسن مطلبه آخر
که دوز یولدا گدن انسان ذلیل اولماز هیچ عنوانه
4
مختصر آتا
بالا دانیشیقی
سویله اوغول من
سنه هاردان یازیم
حیلیله خلقی
سویاننان یازیم؟
یازما بابا اوندا دوتاللار سنی
ناققا کیمی فورا اوتالار سنی
قورخما بالا سن
سوزووی عرض اله
من یازارام اوزگه
منی فرض اله
من
آتا جان اوزگه دییممّ سنه
یرمی بش ایل چورک وروبسن منه
سن
بلوسن من چورگی آتمارام
بیجا یره من گنهه باتمارام
مطلبی سن درک اله
دون تز اوغول
جایزوه من سنه
وررّم نقول
گرچه نوقول تز
سورولار قورتولار
شیریننیگی تا کی
واران سن، قالار
من
آتا جان محبتین آتمارام
دنیالارا بیر باخیشین ساتمارام
هر
نه واریم ادبدن من آلمیشام
خیر دعا من دالیمجا سالمیشام
5
زمانه سوزی1
غم یمه یاخشی یامان گون گچجک
هرکسه چرخ و فلک اوز قدی پیرن پیچجک
هم گدا هم ده غنی شربت مرگی ایچجک
گر عمل اولسا درست، پل صراطدان گچجَک
هله سن فکر الیسن قالمالیسان آی حاج آقا
ضعفادن بهره وی آلمالیسان آی حاج آقا
ورثه قللکینه سالمالیسان آی حاج آقا
حیف اولا دهریده سن آللانیسان آی حاج آقا
هره یه بیر دوشوب آت میدانی واردی چاپیری
بیریسی پول قاپیری، بیریسی جنسین ساتیری
برینه فرق ایله میر حلال حرامی قاتیری
بیریسی فتح الیوب قلعه نی پرچم ساچیری
بریسی بنگاه آچوب معامله جوش ویروری
بریسی اوردا دوروب بعضی سوزه گوش ویروری
بیریسی چوخدی پولی اوزگیده بورش ویروری
بریسی مغموم اولوب ، مین نفره فوش ویروری
هرکسی چرخ و فلک بیر دوز آتوبدی آشنا
بیرینه گولوب زمان ، مینیب مدللی ماشینا
بیرینین بوشدی جیبی ،گونده گزیر اوزباشینا
بیریسی ارثه گوره دیرماشیری قارداشینا
انقالابدان سورا گل خلقی سویان بانکلارا باخ
جای سازیالین ، ارز آپاران تانکلارا باخ
بعضی دلال بزنوب ، رابطه شیطانلارا باخ
گه یاتوپ گه اویانان موفته یییَن خانلارا باخ
ای خدا منظره نی حتما باش اوسته گورورن
هرکسین دردینی سن حتما اورکده بیلورن
مظلومون گوز یاشینی هرگونی گوزدن سیلورن
نیه بس دهریده بو ظالمه فرصت ویرورن؟
ویرگونن فرصتیوی شکی یوخوم قدرتیوه
هامیدان یاخش بیلنسن ، قربانام عزتوه
6
زمانه سوزی 2
زمانه سوزلرین
هایاندان یازیم
باهاردان باشلییم
خزاندان یازیم؟
کمکلیک ایستورم تک
آللاهیمدان
اولننر قورتولدی
خزاندان یازیم؟
بهار فصلی تک
عمروموز گچدی
بوقدالار دریلدی
ساماندان یازیم؟
روزگار هامیدان
امتحان آلار
قوجانی بشلیوم
جواندان یازیم؟
بیر عده غرق اولوب
عیشیله نوشه
بیر عده تاپپییان
سوقاننان یازیم؟
پائیزین فصلینین
پوزولان حالی
بولوتلار توتولار
دوماندان یازیم؟
بیر عده پولونان
حقّی اولدورور
قاضیه رشوه نی
سایاننان یازیم؟
بیر عده پارتی
یوخ، سوزون دیممیر
گوشده ناتوان
دوراندان یازیم؟
بو مدلار کشوره
هایاننان گلدی
النده عجزیله
قالاننان یازیم؟
پارکیدا گزیللر
دسته به دسته
بلبلی قفسه
سالاننّان یازیم؟
سکیز ایل جنگیمیز
یادمنان چیخماز
دشمنین ریشه سین
قازاننان یازیم؟
ای خدا ورمه سن
ظالمه فرصت
بساط ظالمین
پوزاننان یازیم؟
گله نی ساخلیان
چوباندی چوبان
یالاننان داد وران
چوباننان یازیم؟
علیدن دم وران ،
یالاندی یالان
کاخینین نماسین
وراننّان یازیم؟
تاجرلر پولونی
کشتیلر چکمیر
مظلومون قانینی
سوراننان یازیم؟
عدالت علینن گتدی
توپراقا
سوردان کیم دیسه؟
، یالاننان یازیم؟
بیر عده قانمیری
اصل مطلبه
اشکی بوشلویوم
پالاننان یازیم؟
مرادی مطلبی پیس یره چکمز
دردیمیز چوخدی دا
هایاننان یازیم؟
|
اشعار پدر 
